「放鬆 你就係最強」
（今次並非營養文章，請見諒）
呢句說話係今朝我老公同我講嘅。
昨天收到通知，有一位很親的親人急事入院，隨即插喉，入了隔離病房。
晚上護士打來話最好有時間上病房隔住玻璃望望。我去到，隔住玻璃，見到親人的模樣，十分心痛。護士叮囑我留意電話，會隨時打俾我。
今早起床，雙眼腫到似割完雙眼皮，老公問我做咩咁早起身，我話因為今日有個重要講座，我好驚講座前或期間收到電話。
跟住佢同我講咗句：「放鬆 你就係最強」
見到我好疑惑，就補多一句：「緊張 你就會變弱」
如往常一樣，落街跑步時我想，同好多人一樣，其實我個人好易緊張，對未知的事情無信心，怕自己做不好。發揮得最好時，往往是我最放鬆心情的時候。
面對巨大傷心和擔憂下表現淡定自信講健康講座是一個挑戰，這就是所謂專業吧？！
雖然戴上口罩，但從神情中見到多位來賓對講座內容滿意，是我今天最大的安慰。
今日講座內容是預防糖尿，當中除了飲食和運動外，放鬆心情，適當處理壓力對穩定血糖尤其重要。
執筆時還未收到醫院緊急電話，不論情況如何，只係希望親人唔好有巨大痛苦。
#一桌四人 #全場少於五十人
#所有人全程有戴口罩
Search